මගේ නම එම්.රාජේෂ්වරී. මම ඉන්නේ මහගොඩයාය, බුත්තල. මගේ අයියා ගමේ තුන්දෙදෙනෙක් එක්ක මාළු අල්ලන්න ගිහින් 2008 දී අතුරුදහන් වුනා. එයාලා වැඩ කලේ පැලවත්තේ. හැම ඉරිදම යනවා මාළු අල්ලන්න. එදත් උදේ 7.30 විතර එයාලා මාළු අල්ලන්න ගියා. රෑ වෙනකල් බැලුවා ආවේ නෑ. වැව ළග ගිහිං බැලුවා. බිලි කොකුයි, පුවක් පොතුයි බිම වැටිලා තිබුණා. ලොකු වාහනයක් හරවපු සලකුණු තිබුණා. ඒ ඇරෙන්න එයාලගේ වෙන මොනවත් එතන තිබුණේ නෑ. අපි බුත්තල පොලිසියේ පැමිණිලි කළා. ගමේ කොල්ලෝ වැවේ පීනතල් බැලුවා. කන්දේ එයාලව බැදලා ඇදගෙන ගිය පාරක් තිබුණා. පොලිසිය බලන්න ආවේ ඊලග දවසේ.
එයාගේ බිරිද එයා අතුරුදහන් වෙලා මාස තුනෙන් වෙන කසාදයක් බැන්දා. මගේ දරුවන්ගේ ප්‍රශ්න මැද්දේ මම අවුරුදු 17 ක් අයියව හොයනවා. එයාව හොයන්න පුළුවන් හැමදේම කරනවා.
මේ ඇයගේ කතාවයි …..
